బాలీవుడ్ దర్శకుడు శ్యామ్ రామ్​సే కన్నుమూత

బాలీవుడ్ దర్శకుడు శ్యామ్ రామ్​సే(67) ముంబయిలో బుధవారం తుదిశ్వాస విడిచారు. కొద్దికాలంగా న్యూమోనియాతో బాధపడుతున్న ఈయన.. చికిత్స నిమిత్తం ఈ రోజు ఉదయమే ఆసుపత్రిలో చేరారు. రామ్​​సే సోదరుల్లో ఒకరైన శ్యామ్​కు ఇద్దరు కుమార్తెలు ఉన్నారు. ఆయన మరణవార్తను కుటుంబ సభ్యులే తెలియజేశారు. 1970, 80ల్లో హర్రర్ సినిమాలతో బాలీవుడ్​లో గుర్తింపు తెచ్చుకున్నారు శ్యామ్. ‘పురానీ హవేలి’, ‘తఖానా’, ‘దర్వాజా’, ‘పురానా మందిర్’, ‘వీరానా’ లాంటి విజయవంతమైన చిత్రాలను తెరకెక్కించారు.