Breaking News :

చిన్నారికి కరోనా.. ఆస్పత్రిలో బర్త్‌డే వేడుకల తో సర్ప్రైజ్ చేసిన డాక్టర్లు

కోవిడ్-19కు చికిత్స పొందుతున్న ఓ చిన్నారిని ఆస్పత్రి వర్గాలు సర్‌ప్రైజ్‌కు గురిచేశాయి. ఆ చిన్నారి రెండో వడిలో అడుగుపెట్టిన విషయం తెలుసుకొని ఆస్పత్రిలో పుట్టిన రోజు వేడుకలు నిర్వహించారు. కొత్త డ్రెస్ తీసుకొచ్చి తొడిగారు. చాక్లెట్లు కొనిచ్చి చిన్నారితో పాటు కుటుంబసభ్యులను సంభ్రమాశ్చర్యాలకు గురిచేశారు. పంజాబ్‌లోని నవాన్‌షహర్ పట్టణ ప్రభుత్వ ఆస్పత్రిలో శనివారం (ఏప్రిల్ 4) ఈ ఘటన చోటు చేసుకుంది. దేశాన్ని కరోనా వణికిస్తున్న వేళ.. వైద్య సిబ్బంది తమ ప్రాణాలు పణంగా పెట్టి రోగులకు సేవ అందించడమే కాకుండా, వారి కుటుంబాల్లో సంతోషం నింపిన వైనం పట్ల దేశవాసులు హర్షం వ్యక్తం చేస్తున్నారు. వైద్యులకు జేజేలు పలుకుతున్నారు.

శనివారం ఆ బాలుడి రెండో పుట్టిన రోజుగా గుర్తించిన ఆస్పత్రి సిబ్బంది బర్త్‌డే వేడుకలు నిర్వహించినట్లు సీనియర్‌ వైద్యాధికారి హర్విందర్‌ సింగ్‌ తెలిపారు. తమ సిబ్బంది బర్త్‌డే కేక్‌ కోసం కూడా ప్రయత్నించారని.. అయితే, లాక్‌డౌన్‌ కారణంగా అది వీలుకాలేదని ఆయన వెల్లడించారు.

Read Previous

రాబోయే వారంలో మరిన్ని మరణాలు: ట్రంప్ సంచలన వ్యాఖ్యలు

Read Next

ఈ యూజర్లకు బన్నీ సినిమా అందుబాటులో ఉండదా ?