Breaking News :

Google For India: భారత్ లో 75 వేల కోట్ల పెట్టుబడి

భారత్‌లో ఏకంగా 10 బిలియన్ డాలర్లు ఇన్వె్స్ట్ చేస్తామని తెలిపింది. వచ్చే 5-7 ఏళ్ల కాలంలో ఈ మేర పెట్టుబడులు పెడతామని పేర్కొంది. ఇండియా డిజిటైజేషన్ ఫండ్‌ ఏర్పాటు చేస్తామని, దీని ద్వారా ఇండియాలో ఇన్వెస్ట్ చేస్తామని గూగుల్, అల్ఫాబెట్ సీఈవో సుందర్ పిచాయ్ తెలిపారు. ఈక్విటీ ఇన్వెస్ట్‌మెంట్స్, భాగస్వామ్య ఒప్పందాలు, ఇన్‌ఫ్రాస్ట్రక్చర్ ఇలా వివిధ రూపాల్లో రూ.75 వేల కోట్లు ఇన్వెస్ట్ చేస్తామని పేర్కొన్నారు.

ప్రధానంగా 4 విభాగాల్లో పెట్టుబడులు పెడతామని పిచాయ్ పేర్కొన్నారు. ప్రతి భారతీయుడికి వారి సొంత భాషలో సమాచారాన్ని అందుబాటులో ఉంచడం.. ప్రజల అవసరాలకు అనుగుణమైన ప్రొడక్టులును, సర్వీసులు అందుబాటులోకి తీసుకురావడం.. బిజినెస్‌ల డిజిటల్ ట్రాన్స్‌ఫర్మేషన్‌కు చేయూత అందించడం.. హెల్త్, ఎడ్యుకేషన్, అగ్రికల్చర్ వంటి పలు విభాగాల్లో టెక్నాలజీ, ఏఐ వినియోగం.. అనేవి నాలుగు విభాగాలని వివరించారు.

కాగా సుందర్ పిచాయ్ ఈరోజు ఉదయం ప్రధాని మోదీతో మాట్లాడారు. నరేంద్ర మోదీ దీనికి సంబంధించి వరుస ట్వీట్లు కూడా చేశారు. చాలా అంశాల గురించి మాట్లాడామని, ప్రత్యేకించి టెక్నాలజీ సాయంతో రైతులు, యువకులు, ఎంట్రప్రెన్యూర్లకు ఎలా ఉపయోగపడతామనే అంశం గురించి కూడా చర్చించామని పేర్కొన్నారు. ఉదయం మోదీతో మాట్లాడిన పిచాయ్.. ఇప్పుడు భారీ ఇన్వెస్ట్‌మెంట్లను ప్రకటించడం గమనార్హం.

Read Previous

బ్రేకింగ్: అమితాబ్ బచ్చన్ కు కరోనా పాజిటివ్

Read Next

కరోనా: హైదరాబాద్ లో డేంజర్ జోన్లు ఇవే