Breaking News :

క‌రోనాకి విరుగుడు.. అది కూడా ఇండియాలోనే

ప్రపంచవ్యాప్తంగా వణికిస్తున్న కరోనా వైరస్‌కు చెక్ పెట్టేందుకు భారత్ తీవ్రంగా ప్రయత్నిస్తోంది. ఇప్పటికే మన దేశంలో బహుళార్థసాధక (మ‌ల్టీప‌ర్ప‌స్‌) వ్యాక్సిన్‌ను అభివృద్ధి చేస్తున్నట్లు తెలుస్తోంది. కుష్టు వ్యాధిని సమర్థంగా అడ్డుకున్న‌ ఈ వ్యాక్సిన్.. క‌రోనా వైరస్ ఆట కూడా క‌ట్టించ‌గ‌ల‌ద‌ని కౌన్సిల్ ఫ‌ర్ సైంటిఫిక్, ఇండ‌స్ట్రియ‌ల్ రీసెర్చ్ (సీఎస్ఐఆర్‌) శాస్త్రవేత్తలు అభిప్రాయపడుతున్నారు.

డ్ర‌గ్‌ కంట్రోలర్ జనరల్ ఆఫ్ ఇండియా నుంచి అనుమతి వ‌చ్చినప్ప‌టి నుంచి ఈ వ్యాక్సిన్‌ను పరీక్షిస్తున్నామని సిఎస్ఐఆర్ సైంటిస్టు డా. శేఖ‌ర్ మండే తెలిపారు. నిజానికి తయారు చేయాలంటే, అది చాలా సుదీర్ఘమైన ప్రక్రియ అని పేర్కొన్నారు. అయితే ఈ వ్యాక్సిన్‌తో రోగి శరీరంలోని వ్యాధి నిరోధకతను పెంచడం ద్వారా క‌రోనా వైరస్ ఆట కట్టించేందుకు ప్ర‌యత్నిస్తున్నామ‌ని తెలిపారు.

వ్యాక్సిన్‌కు సంబంధించి మరో రెండు అనుమతుల కోసం వేచి చూస్తున్నామని, ఇవి రాగానే క్లినిక‌ల్ ట్ర‌య‌ల్స్ ప్రారంభిస్తామని మండే తెలిపారు. ట్రయల్స్ అనంతరం ఆరు వారాల తర్వాత ఫలితాలు వస్తాయని పేర్కొన్నారు. వైరస్ గురించి పూర్తిగా అధ్యయనం చేయడం కోసం దాని సీక్వెన్స్‌ను పరిశీలిస్తున్నామని తెలిపారు. ఇప్పటి వరకు 30 ర‌కాల సీక్వెన్స్‌ను శాస్త్రవేత్తలు పరిశీలించారని తెలిపారు. మరోవైపు రాబోయే రెండు వారాల్లో 500 నుంచి 1000 వరకు సీక్వెన్సుల‌పై ప‌రిశోధ‌న‌లు చేస్తామని పేర్కొన్నారు. ఇక ప్రపంచ వ్యాప్తంగా ఆరు నుంచి ఏడు రకాల క‌రోనా వైరస్ రకాలు ఉన్నాయని తెలిపారు. మన దేశంలో ఎన్ని రకాల వైరస్ ఉనికి ఉందో, ఇప్పుడే చెప్పడం తొందరపాటు అవుతుందని అభిప్రాయపడ్డారు. మరికొన్ని సీక్వెన్స్ లను పరిశీలించిన అనంతరం వైరస్‌ల ఉనికిపై స్పష్టమైన అవగాహన వస్తుందని డా. మండే అభిప్రాయపడ్డారు.

Read Previous

చంద్రబాబు కుప్పం ప్రత్యర్థి ఇక లేరు

Read Next

విదేశీయుల వీసా గ‌డ‌పు పెంచిన భారత్