Breaking News :

ఐసీసీ చైర్మన్‌ పదవి పోటీలో సౌర‌వ్ గంగూలీ

అంతర్జాతీయ క్రికెట్‌ మండలి (ఐసీసీ) చైర్మన్‌ పదవి పోటీలో భారత మాజీ కెప్టెన్, బీసీసీఐ అధ్యక్షుడు సౌరవ్‌ గంగూలీ ఉన్నారు. ఆ దిశగా సభ్యదేశాల మద్దతు కూడదీసుకుని ప్రయత్నం చేస్తున్నారు.  ఇందులో భాగంగా సఫారీలో టి20 సిరీస్‌కు ఓకే చెప్పాడు. 

కాగా, ఐసిసి ఛైర్మ‌న్ ప‌ద‌వికి సౌరవ్‌ పేరును ప్రతిపాదించే వారి సంఖ్య కూడా క్రమంగా పెరుగుతోంది. ఇటీవలే ఇంగ్లండ్‌ మాజీ కెప్టెన్‌ డేవిడ్‌ గోవర్‌ ఇదే అభిప్రాయాన్ని వ్యక్తం చేయగా,  తాజాగా క్రికెట్‌ దక్షిణాఫ్రికా (సీఎస్‌ఏ) డైరెక్టర్‌ గ్రేమ్‌ స్మిత్‌ కూడా గంగూలీనే సరైన అభ్యర్థి అని వ్యాఖ్యానించాడు.

 ‘ఐసీసీ చైర్మన్‌గా గంగూలీలాంటి వారుంటే మంచిది. అతను అత్యున్నత స్థాయిలో క్రికెట్‌ ఆడాడు. గంగూలీ వల్ల ఆటకు లబ్ది కలుగుతుంది. అతని నాయకత్వ లక్షణాలు, క్రికెట్‌ పరిజ్ఞానం చైర్మన్‌గా విజయవంతమయ్యేందుకు దోహదం చేస్తాయి’ అని స్మిత్‌ పేర్కొన్నాడు. స్మిత్‌తో పాటు సీఈవో జాక్వెస్‌ పాల్‌ కూడా గంగూలీకి మద్దతునిచ్చారు. 

ప్రస్తుత ఐసీసీ చైర్మన్‌ శశాంక్‌ మనోహర్‌ పదవీ కాలం ఈనెలతో ముగియనుంది. కరోనా నేపథ్యంలో మనోహర్‌ మరో రెండు నెలలపాటు ఈ బాధ్యతల్ని మోయనున్నారు.  అయితే ఆయన తర్వాత ఇంగ్లండ్‌ వేల్స్‌ క్రికెట్‌ బోర్డ్‌ మాజీ చైర్మన్‌ కొలిన్‌ గ్రేవ్స్‌ ఐసీసీ చైర్మన్‌ పదవి బరిలో ఉండగా, స్మిత్‌ బహిరంగ మద్దతుతో అనూహ్యంగా గంగూలీ పోటీలోకి వచ్చారు. 

Read Previous

డాక్టర్ సుధాకర్ కేసు సిబిఐ చేతులో పెట్టిన ఏపీ హైకోర్ట్

Read Next

విజయ్ మాల్యా కోసం బ్రిటన్ తో భారత్ డీలింగ్