సీఎం కేసీఆర్‌ గురువారం మేడ్చల్‌లో ధరణి పోర్టల్ ప్రారంభం సందర్భంగా ప్రసంగించిన అనంతరం విలేకరులతో మాట్లాడుతూ దుబ్బాక ఉపఎన్నికపై ఆసక్తికర వ్యాఖ్యలు చేశారు. గ్రౌండ్‌ చాలా క్లియర్‌గా ఉందని అసలు దుబ్బాక ఎన్నికలు తమకు లెక్కే కాదని వ్యాఖ్యానించారు. టీఆర్‌ఎస్‌ గెలుపు ఎప్పుడో డిసైడ్ అయిపోయిందని, భారీ మెజార్టీతో విజయం సాధిస్తామని ముఖ్యమంత్రి ధీమా వ్యక్తం చేశారు. అన్నారు.

‘‘మంచి మెజార్టీతో గెలుస్తాం. ఇప్పటికే గెలుపు ఖాయం. అప్పటి వరకూ చిల్లర తతంగాలు నడుస్తూనే ఉంటాయి. వాటిని పట్టించుకోబోం.’’ అని కేసీఆర్ అన్నారు.

రాబోయే 15 రోజుల్లో నాన్ అగ్రికల్చర్ ఆస్తుల రిజిస్ట్రేషన్‌ ప్రక్రియ ప్రారంభం అవుతుందని కేసీఆర్ చెప్పారు. ప్రతి ఓపెన్ ప్లాట్ దారుడు నాన్ అగ్రికల్చర్ ఆస్తిగా నమోదు చేసుకోవాలని సూచించారు. ప్లాట్ల వివరాలు వెబ్‌సైట్‌లో కనిపించొద్దనుకుంటే హైడ్ ఆప్షన్ పెట్టుకోవచ్చని, పూర్తి టైటిల్ విషయంలో ఓనర్ నష్టపోతే ప్రభుత్వమే పరిహారం ఇస్తుందని కేసీఆర్‌ హామీ ఇచ్చారు. ధరణి పోర్టల్‌ బ్యాకప్‌ అంతా రహస్యంగా ఉంటుందని చెప్పారు.