ఆంధ్ర ప్రదేశ్ మాజీ ముఖ్యమంత్రి, నలభై ఏళ్ళ విసనరీ రాజకీయ వేత్త, దేశ రాజకీయాలను చక్రం తిప్పిన లీడర్ చంద్రబాబు నాయుడు గారి పై లోకాయుక్తలో కేసు నమోదు అయింది.
ఈ కేసు వివరాల్లోకి వెళితే చంద్రబాబు నాయుడు ముఖ్యమంత్రిగా ఉన్నపుడు అధికారాన్ని అడ్డం పెట్టుకొని ప్రజల సొమ్ము దుర్వినియోగం చేసారని ఏవి రమణ ( జనతాదళ్ – ఏపీ జనరల్ సెక్రెటరీ ) లోకాయుక్త లో ఫిర్యాదు చేసారు.
ఏపీ స్పెషల్ స్టేటస్ కోసం ఢిల్లీలో ధర్నా చేస్తాం అని అయన కేబినెట్ అంతా ఢిల్లీకి తీసుకెళ్లి ప్రజల సొమ్ము వృధా చేసారని ఆ ఫిర్యాదులో పేర్కొన్నారు.
ఈ ఫిర్యాదును ఆంధ్ర ప్రదేశ్ లోకాయుక్త ఆగస్టు 7 న స్వీకరించింది. తన రాజకీయ లబ్దికోసం ప్రజా సొమ్ము దుర్వినియోగం అనేది నేరం. చంద్రబాబు ఒక్క రోజు ధర్నాకి 12 కోట్ల వరకు ఖర్చు చేసారని అందులో తెలిపారు.
ఫిర్యదు లెటర్లో , ఈ ధర్నా కోసం ఖర్చు చేసేందుకు నిధులను వివిధ రకాల ప్రభుత్వ ఆర్దర్లతో దోచుకున్నారని, రాష్ట్ర ప్రభుత్వం మాత్రం అప్పుడు కేవలం 2 కోట్లు మాత్రం ఖర్చు చేశామని చెప్పిందని, ఆ నిధులన్నీ కేవలం ఏపీ నుండి ఢిల్లీ కి రైళ్లు వేసినందుకు, అక్కడ టెంట్లు వేసినందుకు వినియోగించమని చెప్పిందని పేర్కొన్నారు.
అక్టోబర్ ఒకటో తేదీన ఈ కేసు తదుపరి విచారణ జరుగుతుందని కూడా లోకాయుక్త వెల్లడించింది.
చిత్రం – భళారే విచిత్రం
ఇంత పెద్ద కేసు చంద్రబబు పై అది కూడా లోకాయుక్తాలో నమోదు అయితే ఒక్క తెలుగు మీడియా ఛానల్ లో కూడా కనీసం స్క్రోలింగ్ కూడా ఇవ్వడకపోవడం ఆశ్చర్యంగా ఉన్నా పెద్ద ఆశ్చర్యం ఏమి కాదు అనుకోండి – మీడియా సమస్థలకు బాబు గారికి ఉన్న బంధం అటువంటింది.