Breaking News :

కరోనాను జయించిన 113 ఏళ్ళ బామ్మ

ఐరోపా దేశాల్లో కరాళనృత్యం చేసిన కరోనా వైరస్ మహమ్మారి.. ప్రస్తుతం కొంత శాంతించింది. కోవిడ్-19 దెబ్బకు ఆ దేశాల్లో వృద్ధులు, వయోధికులు పెద్ద సంఖ్యలో ప్రాణాలు కోల్పోయారు. ఇటలీలోని సీనియర్ సిటిజన్లలో 80 శాతం మంది మహమ్మారికి బలయ్యారు. స్పెయిన్‌లో వైరస్ కారణంగా దాదాపు 27వేల మంది ప్రాణాలు కోల్పోయారు. కాగా, ఓ 113 ఏళ్ల పండు ముదసలి మాత్రం వైరస్‌ను జయించింది. కరోనా వైరస్ బారినపడ్డ మరియా బ్రన్యాస్‌ అనే వృద్ధురాలు కోలుకుని సంపూర్ణ ఆరోగ్యంతో ఉంది. దీంతో ప్రపంచంలోనే కరోనా మహమ్మారిని జయించిన అత్యంత పెద్ద వయస్కురాలిగా నిలిచింది.

గతేడాది డిసెంబరులో స్పెయిన్‌కు చెందిన వృద్ధాప్య పరిశోధన సంస్థ ఆమెను దేశంలోకెల్లా పెద్ద వయస్కురాలిగా గుర్తించింది. మరియాకంటే ముందు ఈ దేశానికే చెందిన అనా దెల్‌ వాల్లె అనే 106 ఏళ్ల మహిళ కరోనా నుంచి కోలుకున్న అతిపెద్ద వయస్కురాలిగా గుర్తింపు పొందారు. ఇప్పుడా రికార్డు కనమరుగయ్యింది. శాన్‌ఫ్రాన్సిస్కోలో 1907న జన్మించిన మారియా బ్రన్యాస్ బాల్యం అమెరికాలో గడించింది. 1915లో స్పెయిన్‌లోని కటోలినియాకు వచ్చారు. గత 20ఏళ్లుగా కటోలినియా ఓలాట్ ఓల్డేజ్ హోంలో గడుపుతున్నారు. మారియా తన 113వ రోజు వేడుకలను ఈ ఏడాది మార్చి 4న జరుపుకోవడం విశేషం. స్పెయిన్‌లోనే అతిపెద్ద వయస్కురాలిగా మారియాను ప్రకటించిన తర్వాత ఆమె కుమార్తె మారియా పేరుతో ఓ ట్విట్టర్ ఖాతాను ప్రారంభించారు.

కేర్ హోమ్ ద్వారా కరోనా వైరస్ వ్యాపిస్తున్నట్లు బ్రాన్యాస్ 2020 మార్చి 27 న ట్వీట్ చేశారు. తనలాంటి వారిని జాగ్రత్తగా చూసుకోవడానికి తమ ప్రాణాలను పణంగా పెట్టిన సిబ్బందికి కృతజ్ఞతలు తెలుపుతూ ఆమె ఒక సందేశం రాశారు. ‘వేదన, ఒత్తిడి ఉన్నప్పటికీ, వైద్య సిబ్బంది ప్రతిరోజూ మమ్మల్ని జాగ్రత్తగా చూసుకుంటారు. వారికి ధన్యవాదాలు’ అని పేర్కొన్నారు.

Read Previous

మడ అడవులపై టీడీపీ ఫేక్ ప్రచారం?

Read Next

కెసిఆర్ కొత్త ట్విస్ట్..రైతు బంధులో మెలిక