యూకేలో కరోనా వైరస్ కొత్త జాతి పుట్టుకొచ్చిన విషయం బయటపడ్డ క్షణం నుండి ప్రపంచ దేశాలు ఒక్కసారిగా అలర్ట్ అయ్యాయి. అని దేశాలు ఇప్పటికే యూకే నుండి వస్తున్నా విమానాలను రద్దు చేసేశాయి. అయితే భారత్ కూడా ఆ లిస్టులో ఉంది. ఇక తెలంగాణ విషయానికి వస్తే , ఈ నెలలో యూకే నుంచి, యూకే మీదుగా 1200 మంది రాష్ట్రానికి వచ్చినట్టు తేల్చిన అధికారులు.. అందరినీ గుర్తించేపనిలో పడ్డారు. ఇప్పటికే కొంత మందికి పాజిటివ్‌గా తేలగా.. వారితో సన్నిహితంగా ఉన్నవాళ్లను కూడా హోం క్వారంటైన్‌లో ఉంచి పర్యవేక్షిస్తున్నారు. పాజిటివ్‌గా తేలినవారి నమూనాలను హైదరాబాద్‌లోని సీసీఎంబీకి పంపించి.. కొత్త వైరసా? పాత వైరసా? అనే తేల్చేపనిలో పడ్డారు. శనివారం కరీంనగర్‌లో ఈటల మీడియాతో మాట్లాడారు. లండన్ నుంచి వస్తున్న వారిలో గుర్తిస్తున్న కరోనా వైరస్ అది కొత్త స్ట్రెయిన్ కరోనా? లేక పాత కరోనానా అనేది తేల్చేందుకు కొంత సమయం పడుతుందని ఈటల తెలిపారు. కరోనా సెకండ్ వేవ్ పట్ల ప్రజలు అప్రమత్తంగా ఉండాలని తెలంగాణ వైద్య ఆరోగ్యశాఖ మంత్రి ఈటల రాజేందర్ అన్నారు. కరోనా ఫస్ట్ వేవ్‌తో ప్రమాదం ఏమీ లేదని.. కానీ, సెకండ్ వేవ్‌తో మాత్రం ప్రమాదం ఉందని ఆయన హెచ్చరించారు. ఎలాంటి విపత్కర పరిస్థితులనైనా ఎదుర్కొనేందుకు తెలంగాణ ప్రభుత్వం సిద్ధంగా ఉందని ఈటల భరోసా ఇచ్చారు. ప్రస్తుతం రాష్ట్రంలో ఇతర దేశాల నుండి వచ్చిన వారిని గుర్తించి పరీక్షలు చేయగా కొంతమందికి కరోనా పాజిటివ్‌గా నిర్ధారణ అయ్యిందని మంత్రి తెలిపారు. .ప్రస్తుతం లండన్ నుంచి వస్తున్న వారిలో గుర్తిస్తున్న కరోనా వైరస్ అది కొత్త స్ట్రెయిన్ కరోనా? లేక పాత కరోనానా అనేది తేల్చేందుకు కొంత సమయం పడుతుందని తెలిపారు. ప్రస్తుత పరిస్థితులను చూస్తే ప్రమాదంగానే ఉందని అభిప్రాయపడ్డారు. కాబట్టి ప్రజలు అప్రమత్తంగా ఉండాలని విజ్ఞప్తి చేశారు.

Leave a Reply

Your email address will not be published.