ఆర్టీసీ సమ్మె: గవర్నర్ ను కలిసిన బీజేపీ నేతలు

10

ఆర్టీసీకి చెందిన భూములను ప్రైవేట్ ఏజన్సీలకు లీజుకు ఇవ్వకుండా రాష్ట్రప్రభుత్వాన్ని ఆదేశించాలని బీజేపీ రాష్ట్ర అధ్యక్షుడు డాక్టర్ కె లక్ష్మణ్ రాష్ట్ర గవర్నర్ తమిళిసై సౌందర రాజన్‌ను కోరారు. లక్ష్మణ్ ఆధ్వర్యంలోని బీజేపీ నేతల బృందం గవర్నర్‌ను కలిసి ఆర్టీసీ కార్మికులతో రాష్ట్రప్రభుత్వం చర్చలు జరిపేందుకు చొరవ తీసుకోవాలని అభ్యర్థించారు. ఈ మేరకు వారు వినతిపత్రం సమర్పించారు.

ఆర్టీసీకి రాష్ట్రంలో రూ.80వేల కోట్ల విలువైన 1500 ఎకరాల భూములు ఉన్నాయి. నగరాలు, పట్టణాల్లో వ్యాపార కూడళ్లలో ఉన్న ఈ ఆస్తులను ప్రైవేట్‌పరం చేసేందుకు ప్రభుత్వం ప్రయత్నిస్తోందని కార్మిక సంఘాలు తమ దృష్టికి తెచ్చాయని పేర్కొన్నారు. లీజుకు ఇచ్చేందుకు తగిన నిబంధనలను పాటించడం లేన్నారు. రాజధానిలో ఆర్టీసీ క్రాస్ రోడ్డులో పది ఎకరాల విలువైన భూమిని 33 ఏళ్లపాటు ప్రైవేట్ ఏజన్సీకి ఇచ్చేందుకు ప్రయత్నాలు జరుగుతున్నాయని తెలిపారు.